Të kesh fokus është çelësi i suksesit

Të zbulosh çelësin e suksesit është themelore për të jetuar plotësisht jetën tënde. Përse disa persona arrijnë rezultate të shkëlqyera për një periudhë kohe të kufizuar, ndërsa të tjerë, që të arrijnë këtë, duhet të punojnë gjatë gjithë jetës? Cili është çelësi që e vendos në lëvizje dëshirën tonë për të qenë gjithnjë në majë?

Duhet të mësojmë strategjitë e thjeshta për të rizgjuar motivimin tek vetvetja, si dhe tek bashkëpunëtorët tanë, për të arritur rezultate gjithnjë e më të mira. Çdo ditë ne flasim për rezultate, arrijmë rezultate dhe vlerësojmë rezultatet. Pra, ajo që duket sikur vlen janë vetëm rezultatet, të cilat na bëjnë që, kur vjen fundi i ditës, të mendojmë: "Por çfarë arrita sot?"

Nëse përgjigjja është negative, biem në një gjendje mërzitjeje të thellë, gjë e cila na bën të palumtur dhe na çon në kryerjen e disa veprimeve të cilat, në kushte të qeta dhe kënaqësie, nuk do t'i kishim ndërmarrë kurrë.

Në fakt, pas fjalës “Rezultate” ka një ecuri të tërë për t'u ndërmarrë, të cilën, nëse e ndjekim me përpikëri, na çon në marrjen e maksimumit nga jeta – maksimumin e përvojës sonë, në përputhje me mendimet dhe idetë tona. Por, a është e qartë që një situatë e caktuar ndryshon krejtësisht nga një moment i caktuar e mbrapa? Dhe nga ky moment gjithçka fillon të përmirësohet apo të keqësohet. Mendojeni dhe do të shihni që gjithçka ka nisur nga një vendim.

Teknikat e suksesit:
Vendim + Fokus + Veprim = Rezultate të shkëlqyera

Vendimmarrja
“Është momenti kur ti vendos, ai që përcakton fatin tënd.” – Anthony Robbins

Pra, siç thotë Anthony, gjithçka nis gjithnjë nga një vendim. Nuk ka rëndësi nëse ke ndërmarrë një vendim apo jo, si rregull, në mes është gjithnjë një vendim. Në fakt, jo domosdoshmërisht të marrësh një vendim, bur buron “të jetë një vendim”!

Personalisht, e shoh vendimin si veprimin plotësisht më të fortë në kontrollin e jetës sonë për të kapërcyer një moment pasigurie dhe për të kaluar në një situatë sigurie. Thjesht sepse vendimi është marrë! Të vendosim se çfarë duam na çon në pasjen e një busulle në jetën tonë, së cilës i japim një kuptim se ku jemi, çfarë bëjmë dhe nëse ka nevojë ta ndryshojmë jetën tonë.

Tani hyn në mendjen tonë... Fokusi
“Fokusi është si drejtimi i një rrezeje lazer, që vendos ti se ku duhet të godasë dhe që të mban të përqendruar mbi këtë synim, duke lënë mënjanë gjithçka tjetër.”

Pra, fiksohesh tek një synim. Disa e quajnë fiksim apo mbingarkesë mendore, duke e përdorur në një kuptim zhvlerësues (negativ). Në fakt, në këtë rast, kjo fjalë ka rol tjetër si një nga teknikat e suksesit. Një herë që hapim busullën, p.sh. përcaktojmë që fokusi ynë është “Jug-Perëndimi”, pas kësaj nuk ekzistojnë më për ne drejtime të tjera, ose më saktë, nuk na interesojnë drejtimet e tjera. Vendimi është marrë dhe tani drejtimi ynë është i qartë.

Pra, e kemi përcaktuar fokusin dhe është momenti për të kaluar në... Veprim
“Veprimi është çelësi themelor për çdo lloj suksesi.” – Pablo Picasso

Pra, në këtë mënyrë ne e përgatisim anijen tonë për atë udhëtim që do të na çojë ku tashmë e kemi vendosur. Të kesh fokus pa kaluar në veprim është si të ndash kokën nga trupi ynë. Shumë herë, shkaku që na çon në mosveprim është përplasja e brendshme midis asaj qe kemi vendosur dhe vlerave tona të brendshme, ose frika që buron nga përvojat e mëparshme.

Si gjithnjë, zgjidhja qëndron brenda nesh. Duhet të qartësohemi mbi çfarë duam realisht, duke vendosur ta shkëpusim të kaluarën tonë nëse ajo nuk na ndihmon të jemi ata që ne realisht duam të jemi! Përsëri, vendimi luan në favorin tonë. Ne vendosim për të pasur siguri në një moment pasigurie!

Thelbi i veprimeve të vendosura nga ne është ajo ndjesia e të “ndierit i gjallë”, ajo vetëdije për të lëvizur drejt synimeve tona (ndërsa çdo veprim që është bërë i vendosur nga dikush tjetër na jep ndjesinë e “moskontrollit të jetës sonë”. Edhe nese mund të pranohet vendimi i dikujt tjetër, kjo duhet bërë vetëm në momentin në të cilin ne vetë gjejmë një shtysë për ta ndërmarrë atë). Pikërisht këto veprime na çojnë në rezultatet e dëshiruara.

Një shembull i thjeshtë:
P.sh., unë pashë një iPad të cilin dëshiroja ta blija. E dashuruar me idenë për ta pasur atë, ai u kthye në një ëndërr për mua, edhe pse çmimi ishte pak i kripur. Në mendjen time, nga ai moment, nuk kishte tjetër mendim veçse si ta blija atë. Pra, tani në mendjen time ishte vendosur “fokusi”: të blija iPad-in. E pashë atë dhe fillova të bëj disa llogari se si mund ta blija, se si mund të hiqja mënjanë disa kursime, për të mbërritur deri në fund të muajit pa u futur në borxhe, etj.

Në fund të muajit arrita ta blej. Pra, synimi im u kthye në rezultat. 

Luiza Hoxhaj

28 Tetor 2013