http://www.mladiinfo.eu/blog/2014/03/14/scholarships-for-visiting-scholars-at-university-of-pavia-italy/

Promovimi i punësimit të të rinjve në sektorët e investimeve rajonale

Qendra e Studimit te Politikave Europiane per Zhvillimin Rajonal dhe Lokal, në bashkëpunim me trainerin ndërkombëtar z.Manfred Theodor Ziewers, zhvilloi në datat 26-27 Shkurt 2014, në ambjentet e Hotel Sokratis,Tiranë, seminarin me temë:

“Promovimi i punësimit të të rinjve në sektorët einvestimeve rajonale”.

Ky seminar u realizua në kuadrin e përmbushjes së një prej prioriteteve të Qendrës në Strategjinë e saj për periudhën 2014-2016: Rritjes së kapaciteteve të stafit dhe bashkëpunëtorëve të Qendrës. Si i tillë seminari ju adresua:stafit dhe bashkëpunëtorëve të  Qendrës si dhe disa organizatave partnere të saj: Agjensisë Rajonale të Zhvillimit Vlorë, Zyrës së punësimit Vlorë si dhe Profesionisteve të rinjë. 

Përse kjo temë?

Në përgjithësi , konkurrenca ka ndikim të konsiderueshëm në botën e punës -mbi produktet dhe proceset , asetet organizative , organizimin e punës dhe në fund  në gjeografinë ekonomike. Në këtë kuadër, investitorët,  sidomos ata nga jashtë vendit, kanë kërkesa specifike në lidhje me vendndodhjen e preferuar të biznesit,  duke përfshirë edhe resurset njerëzore në dispozicion në territorin përkatës. Në këtë kontekst, roli i një organizate, që promovon politikat e zhvillimit rajonale është të lehtësojë përputhjen e kërkesës dhe ofertës së punësimit duke vendosur aktivitetet e duhura, në mënyrë specifike, per te pare se sa dhe se si të rinjtë janë të interesuar. Referuar Strategjisë së Zhvillimit Rajonal (ekzistuese), seminari diskutoi strategjitë e punësimit të të rinjve, te advokatimit, qasjet sistematike, dialogun social dhe partneritetet publike - private dhe, më në fund, referoj disa shembuj të praktikave më të mira nga Gjermania në promovimin e punësimit të të rinjve në sektorët e investimeve.

Seminari u zhvillua me një nivel të lartë të materialit trajnues dhe cilësisë së lartë të trainerit, i cili e zhvilloi atë. Në këto kushte seminari,bazuar në vleresimin e  pjesëmarrësve dhe të trajnuesit realizoj objektivat e tij të cilat ishin:

·       Forcimi i kapaciteteve profesionale të personelit të qendrës dhe bashkëpunëtorëve te saj.

·       Rritja e efektivitetit të personelit që promovon punësimin e të rinjve .

·       Rritja e interesit të të rinjve për punësim në sektorët e investimeve rajonale, në saj të mundësive më të mira të promovimit, si dhe një qasjeje më të mirë në informacion.

Bazuar në  cilesinë dhe oferten didaktike të moduleve të këtij trajinimi, stafi i Qendrës tashmë ka një vështrim të ri rreth këtyre temave. Materialet teorike dhe praktike të trajtuar prej tij si dhe  praktikat e mira referuar një shteti të zhvilluar, si Gjermania, janë të dobishme dhe të përdorëshme në veprimtarinë tonë të përditëshme: si në atë kërkimore të Qendrës apo edhe të krijimit dhe përhapjes së dijes, në nivel rajonal.

Bazuar në këtë mënyrë të re vështrimi, bazuar në Direktivën europiane  si dhe në trashëgiminë tonë u hodhën qysh në këtë seminar disa piketa për punën tonë kërkimore në këtë fushë apo edhe për rekomandime, që ne mund të japim,mbas një  pune të mirëfilltë studimore, në lidhje me krijimin e Educational Frammwork, si dhe  vështrimin e cdo  politike edhe në kontekstin e  zbatimit rajonal apo edhe të decentralizimit të veprimtarive të tilla.  Zhvillimi i këtij seminari përkoi edhe me prezantimin e Strategjisë së  Punësimit për periudhën 2014-2020 nga ana e Ministrisë së  Mirëqënies Sociale dhe Rinisë, me 26.02.2014.

Ajo që ne synojmë në të ardhmen, bazuar edhe në piketat e hedhura në këtë seminar është: Thellimi në  teoritë përkatëse,thellimi në direktiven europiane si dhe qasja e integruar ndaj kësaj problematike.

Ky seminar ju ofrua Qendrës sone pa shpërblim  prej trajnuesit Zotit Manfred TheodorZiewers. Për këtë arsye falenderimi ynë shkon në adresë të tij.
Një falenderim gjithashtu edhe për pjesëmarrësit në këtë seminar si dhe për organizatat dhe  institucionet partnere.

Luiza Hoxhaj

Drejtore ekzekutive  

CRDLS Albania

Reforma territoriale

Me cudit absurditeti i cilesimit si nje reforme me qellime elektorale i refromes territoriale. Nese kjo refrome ka mbetur e pearelizuar deri me tani, kjo ka ndodhur vetem per aresye elektorale. Per te u punua fort ne 2002-2003 dhe nuk u finalizua per pengesa te parsyeshem me qellime ngushtesisht elektorale. Nese ka dy reforma qe vetem per efekte territoriale nuk mund te  quhen ato jane: refroma  territoriale dhe ajo e pensioneve. Te ndermarresh reforma te tilla do kurajo dhe vizion. Qeverite e mira duhet ti tejkalojne "rrisqet' elektorale ne vendimarrjet e tyre. Per kete gje  qeveria duhet pergezuar. Kjo reforme duhet finalizuar me patjeter, sepse eshte ne te mire te zhvillimitte vendit si dhe te rritjes se eficences se pushteti vendor si dhe  cilesise se sherbimit te ofruar prej tyre. Ka shuem rendesi qe diskutimi te fokusohet tek cilesia e  kesaj reforme, tek rritja reale e autonomise vendore sesa thjesht tek gjeografia e njesive te reja. Po ashtu ka rendesi edhe  futja e koncepteve te reja territoriale.

Thirrje për artikuj

Të nderuar lexues,
Qendra e Studimit të Politikave Europiane për Zhvillimin Rajonal dhe Lokal, në kuadrin e organizimit të  Konferencës Ndërkombëtare: “Tako Talentet Shqiptare- Meet AlbTalents”, e cila është projektuar të zhvillohet në dt 28-29 Mars 2014 në qytetin e Vlorës ju fton të bëheni pjesë e diskutimit për sa theksohet në vijim:

Shqipëria është një nga vendet në Evropë, me më shumë të rinjë, por me bilanc negativ ndërmjet punonjësve të kualifikuar të emigruar dhe atyre të kthyer. Të gjithë këtyre u shtohen flukset gjithnjë  në rritje të zhvendosjeve  të konsiderueshme nga rrethinat në drejtim te zonave  bregdetare dhe  kryesisht aksit Tirane Durres. Jo pak i prekur nga ky fenomen është dhe vet qarku i Vlorës, ku është projektuar zhvillimi i kësaj konference.  Gjithnjë e më shumë të rinj, nga keto zona, që vendosin për t'u regjistruar në një universitet të Vendit nuk mendojnë më per tu rikthyer në vendlindje. Përballë  të shumtëve, që gjithnjë e më shumë shkojnë, më pak e zakonshme është rruga e kundërt,  ajo e kthimit, edhe pse e dëshiruar nga shumë të rinj në fillim ("tani ikim, pastaj rikthehemi " është mendimi mbizoterues në castin e nisjes).

Lëvizshmëria për punë dhe studim është në vetvete pozitive, por bëhet një avantazh për të gjithë ata,  që duan të kthehen vetëm nëse ata kanë vërtetë mundësi për ta bërë këtë me sukses, supozohet, që do të merren në pune në një kompani që është në gjendje të mund të vleresojë kapitalin e saj njerëzor si dhe për të ndërmarrë ide biznesi duke shfrytëzuar përvojat dhe aftësitë e fituara jashtë vendit .

" "Ikim per tu kthyer ? " është pyetja që shumë njerëz bëjnë kur ata janë gati për të marrë vendimin për tu nisur në kërkim të mundësive më të mira gjetkë. Ajo përfshin të rinjtë, të rriturit,  prindërit. Tani ata kanë nevojë urgjente për të reflektuar dhe për të diskutuar së bashku me institucionet për të identifikuar zgjidhje, që ofrojnë shpresë dhe mundësi .

Nga ana tjetër, shumë të rinj, duke mos menduar të kthehen ndjehen megjithatë një burim potencial për vendin e origjinës, duke vazhduar të jetojnë në një rajon tjetër ose jashtë vendit dhe janë vetëm duke pritur për një mundësi për të dhënë një kontribut përmes projekteve dhe iniciativave te përbashkët. (ky projekt është një mundësi për ta bërë një gjë të tillë, ose minimalisht për të diskutuar për atë se cfarë duhet bërë për ta realizuar një gjë të tillë dhe  se në cfarë rruge mund ta realizojmë këtë).

Në një kontekst në të cilin institucionet publike dhe ato të sistemit të sipermarrjes përballen  ende në menyrë të ndrojtur me këtë fenomen, projekti “Tako Talentet Shqiptare - Meet AlbTalents”,  synon të lehtësoj një reflektim të thellë te karakterit  politike, sociologjike dhe antropologjike mbi madhësinë dhe formën, që eshte duke marrë fenomeni i lëvizshmërisë për gjeneratat e ardhshme dhe mbi perspektivat e lëvizjes së talenteve në të ardhmen.

Vlora nëpërmjet këtij projekti “kandidohet si një laborator kombëtar për monitorimin e fenomenit dhe për  të eksperimentuar politikat e rithithjes se tyre. Të rinjtë, akademike, ekspertë, institucione, përfaqësuesit e komunitetit të biznesit do të diskutojnë tema dhe zgjidhjet, që do të ndërmerren për të bere te kthyeshme vendimin për të lënë vendin dhe për të kthyer në vlerë të shtuar përvojën e tyre të fituar jashtë vendit.

E gjithë kjo, duke qene te bindur se vetëm nëpërmjet gjeneratave të reja, me energjinë dhe shkathtësine e tyre, aftësinë e tyre për të qenë një urë në mes të tashmes dhe të ardhmes, në mes të territorit të origjinës dhe sfidave globale, mund të kthehemi tek rritja,  duke gjeneruar zhvillim dhe mirëqenie te territorit.

TEMAT

• Migrimi i të rinjëve shqiptarë në Evropë dhe jo vetëm

• Në falenderim të gjeneratave të reja

• Qarkullimi i talenteve: të dhënat, problemet, perspektivat

• Koha jonë është tani: te ikim apo të qëndrojmë ?

• Sa Kompanitë shqiptare janë të hapura për talentin ndërkombëtare ( Përvoja te kompanive me personel te huaj)

• Politikat rajonale (lokale) dhe përvoja të suksesit (nëse ka të tilla)

• Metoda "kunder emigrim" dhe më tej: Politikat dhe perspektivat kombëtare dhe ndërkombëtare.

Jeni te ftuar te jepni kontributin tuaj, me pjesemarrjen ne diskutime, ligjerate ose cdo forme tjetër.  Kjo thirrje ju fton  të prezantoni artikuj të ndryshëm në lidhje me temat e përmendura më sipër. Artikujt duhe të përmbajnë jo më shumë se 1.500 fjale dhe do të dërgohen ne adresën sekretaria@crdls.com. Ato do të  pasqyrohen në faqen e qendrës, projekti;  “Tako talente shqiptare- Meet AlbTalents”, nëse janë në përputhje me tematikat e  përmendura më lart, me emrin e autorit përkatës.

Mirëpresim kontributin tuaj!

Qëndra e Studimit të Politikave Europiane

për Zhvillimin Rajonal dhe Lokal

       

Te investosh ne ekonomine sociale

Te investosh ne ekonomine sociale do te thote te aktivizosh nje multiplikatore dhe jo thjesht nje shumatore.

Kjo, psh, do te thote qe shpenzimi per  socialen eshte nje shpenzim, qe prodhon kthim (ternover) me te madh se  sasia e investuar. E njejta gje vlen edhe per investimet ne kulture.

Keto elemente distinktive te ekonomise sociale duhet te vleresohen ne rastin e procesit legjislativ, qe shohin sektorin jo fitimprures, duke filluar nga indikatoret e rinj, qe jane ne gjendje te masin perfitimet e prodhuara nga ekonomia sociale.

Be part of it!

http://ec.europa.eu/europe2020/index_en.htm#!

http://econ.worldbank.org/WBSITE/EXTERNAL/EXTDEC/EXTRESEARCH/EXTWDRS/EXTNWDR2013/0,,contentMDK:23488439~pagePK:8261309~piPK:8258028~theSitePK:8258025,00.html